Holzfäller. Gemälde Ferdinand Hodler (1853 –1918 ).

Dr Kunstmann-Lob fuhr an enn Sunntig früh naus in‘n Wald zen Stöckraustu. Kurz vür ne Holzschlog stand e schiens Baamel geleich nah dr Stroß. „Ob iech dan oschneid oder e annerer“, dacht dr Lob, „dos is egal.“ De Saag raus un lus gang‘s! Oder gerode do, wus dos Baamel ubn rüber kam, kam aah dr Farschter.

„Wos söll dö dos sei?“ fröget daar ne Lob. „Wos soll‘s dä wetter sei, ich tu Stöck raus!“

„Nu, sist dä du Schofkopp gar net, doß dra dan Stock noch dr ganze Baam hangt!“ bleket dr Farschter ne Lob a. Daar ließ sich ober net aus dr. Ruh brenge un maanet: „ Wenn iech Stöck raustu, muss iech unten achtgaabn, do guck iech net in dr Höh!“

Dr Lauterer Gevatter hattt emol Sommerfrischler, die e paar Wochen bei ne warn und dann‘s aah gut dortn gefalln hot, wall dr Gevatter obnds immer esu schie erzöhlt hat. Nu su e vier Wochen drauf sei die Sommerfrischler wieder eham gfahrn. Iech gelaab se warn aus Leipzig. Dar Herr bedanket siech nu noch in en Brief für die gute Aufnahme. När wie‘r de Kuffer derham ausgepackt hätt, wär e Floh aus sein Anzug rausgehuppt. Dar wollt nu ne Gevatter zu verstieh gabn, dos bei ne Flöh gehabt hätt. Ober do hot dr Gevatter när geschmunzelt un hot en dan Sommerfrischler geschriebn: „ Dar Fluh werd ober fruh gewaasen sei, wie ar wieder derham war.“

Bildnachweis

Kopfbild: Wappen von Lauter

Alle Abb. aus Wikimedia, sie sind gemeinfrei.