Horstseefischen: Seit 500 Jahren sind Zuchtfische aus Wermsdorf begehrt.

‘s Binsenteichfischen war sinst e Fest fr weit un brät, scha frih bezeiten war alles schwarz vun Leiten, kä Arweitstuhl wur ageriert, wenn die schenn Oal, Schleihe un Karpen rausgeschafft wurn. Un en Binsenteichkarpen wollt doch jeds kafen, dar hot noch emol su gut geschmeckt wie die annern. Also, do kimmt a e Mah vun Dele af Gräz un macht glei mitn ganzen Schwarm zengst n dinge no, un wie‘s Verkafen feder gieht, do denkt r: Wenns de när ewos mietgenumme hettst, do kennst de deiner Hanne enne Fräd machen. ‘r suchet in Taschen, ower r hatt nischt miet. „Tu ne nei‘s Schnupptuch“, soget äner zu ne. „Cha, deß r verdorscht un verrecken tutt – nä, su dumm bie ich nett!“ As ämol sog r, deß do un dort e Fusch nei e Tiechel gewickelt wur, do krieget r a Korrasche, hielt sei rutseidens Schnupptuch hie u luuß sich en Zweepfinder neitun, un husch – war r in de Rocktasch neigerutscht.

Un - hoste net gesah – machet r ze gleing Bännen fort, niewer de Neistadt un naus zum Schießhaus. Ower in Rutentol bein ärschten Wertshaus, do hot ne de Neigier kä Ruh meh gelessen, r mußt emol drnooch gucken, ob des arme Tier noch laawet, r wollt doch seiner Hanne nett epper en verreckten Karpen auspacken, die hett ne doch schlacht macht bis an ihr End, deß ne kä Hund meh agebilln hett. ‘r tutt also s Tuch viersichtig raus, linst ben Kopf uum nei: Aach, du meine Zeit, sperret des arme Viech de Gusch weit auf un schnappet nooch Luft. „‘s werd allerhechste Zeit, ich war ne emol saufen lessen!“ ‘r macht also na de Alster, macht ne Karpen ne Schnobel frei un tat schmunzeln: „Nu sauf dich soot, du armer Kerl -“ do – e Schnellzer – un do hatt rsch lääre Tuch in Pfuten, dr Karpen war scha in dr Mitte, „Ei, du Hund, du schlachter, des hot mr nu vun seiner mitleiding Seel!“

Bildnachweis

Kopfbild aus Wikimedia - gemeinfrei.

Abb. im Text:

Horstseefischen: Seit 500 Jahren sind Zuchtfische aus Wermsdorf begehrt.

Urheber: Bybbisch94, Christian Gebhardt