Wenn de Daache länger wärn

Un de Sonne heher schteicht

Dann soll sich zum Deifel schärn

Wer sich da nich frehlich zeicht.

Beimchen, die noch gestern gahl,

Risten jetzt zum ärschten Blatt.

Hat mer ooch schon fuffzichmal

Das erläbt, mer gricht‘s nich satt.

Weht‘s ooch manchmal noch recht galt,

Das is bloß zum Abgewehn.

Bald wärd‘s Friehling mit Gewalt.

Menschenginder, is das scheen!