Dr Seifferts Lui hoot emoll Langholz ven Wald reigefoahrn. Dr Weg war ober schlecht und aufgewaacht, esue aß‘r auf aamoll mit sann Hinterrod fest soß und mit sann Fuhrwark nimmer feedersch kunnt. Sue sehr‘r aah mit sann Knecht zarrt und stemmt und wörgt, se haben ebn zewanner des Rod net wieder freikriegt.

Do kimmt e feiner Moa ne Weg her, sann Howiet nooch kunnt‘s e Summerfrischler sei, blabbt stiehe, klopft mit sann Stecken naufs Rod. Jawohl, des seß fest, mannt‘r und wott nu enn grueßen und enn lange Virtrog drüber halten, wie des Rod wieder freizemachen wär. „Ach wos“, sogt do dr Lui argerlich, „mit ne Maul zarrn Se des Rod aah net raus. Speie Se lieber miet nei de Händ!“