Nu liecht dr Friehling in dr Luft.

De Menschenhärzen bubbern.

Un ooch dr abgebriehtste Schuft

Muss jetzt dn Lenz erschnubbern.

Guckt eich nur de Gesichter an

Von eiern Volksgenossen!

Da schrahlt jetzt freindlich mancher Mann,

Där sonst egal verdrossen.

Das wäre ja geradezu gelacht,

Wollt‘ eener nu noch nercheln,

Wo durch dn letzten Schnee mit Macht

De ärschten Bliemchen gwercheln.