Ich lieg im Wald, ´s is alles still,

weit wag vun Waltenspuk.

Der Waldgeruch, de Hamitluft

verträbt dan Lug un Trug.

De Fichten straacheln sich im Wind,

a Vögele singt drauf.

Derweile macht sich Schriet für Schriet

am Stamm a Kaafer nauf.

A Ameis läft mr rauf of‘s Ba,

es Waldgros krabbelt mich.

Is Fliegnzeig schwirrt mr üm a Kopp,

´s hot geds senn Spaß for sich.

Vun weiten här ich Sansenstrich,

sunst nischt, ´s is heil‘ge Ruh.-

Im Harzen Frieden, draußen aa,

ach. wär‘sch bal wieder su.

Am Blümel, ganz versteckt im Muus,

hängt noch a Troppen Tau.

A Binn guckt nei un spiegelt sich,

ja, su wos muss mr sah!

De Binn, die summt ihr Liedel ro

un tut sich emsig regn.

As Ascherle huppt rauf un no;

a Affel nischt dergegn!-