Wenn‘s in Winter schneie tut, glitzern tut der Schnee,

hul ich mir menn Schlieten raus, naus gieht‘s of de Höh;

un do ward siech aufgesetzt. Hei,dos gieht geschwind,

saust mer su ne Bargel no wie dr böhm‘sche Wind.

Tralalalala, wie is dos schie, wenn mir könne ruscheln gieh.

Tralalalala, wie is dos schie, ka mer ruscheln gieh.

Wenn‘s in Winter schneie tut, ´s ka Stoppen Bah,

such ich mir de Schneeschuh har, schnall mer fix se nah.

Do gieht‘s über Wies‘ un Fald, fix bargo, fix bargauf.

Haat‘s enn aa a paamol hie, stieht mer wieder auf.

Tralalalala, wie is dos schie, übern Schnee su lecht ze zieh.

Tralalalala, wie is dos schie, übern Schnee ze ziehn.

z Fichtelbergu pohled na Klínovec. (1)

Wenn‘s in Winter schneie tut, alles is gefrorn,

dass mer vür dar Kält derfriert bal de Nos un Ohrn.

Fix de Schlittschuh an de Füß‘ un zer Eisbah hie.

Su a Lust, su a Labn dorten spät un frieh.

Tralalalala, wie is dos schie of dr Eisbah spät un frieh.

Tralalalala, wie is dos schie, dorten spät un frieh.

Wenn‘s in Winter schneie tut, störme aa dreinei,

sitzt dr Lob an Ufen dra, kachelt tüchtig ei,

weiß nischt vun dar Harrlichkeit, die do draußen is,

denkt sich: Olbern sei de Leit, dos is ganz gewiss!

Tralalalala, wie bist du dumm, kumm ner raus, mei Lob, kumm kumm.

Tralalalala, wie bist du dumm, kumm ner raus, kumm, kumm.

Bildnachweis

Kopfbild: aus Wikimedia - gemeinfrei

Bild 1 Urheber: Marcel Blafka