Nee so ä Feez! Nee so ne Freide!

Mir hamm ä Schneemann uffgeschtellt

Da draußen in dr Dräsdner Heide,

Ä ulkchern gibt‘s nich uff dr Welt.

De Nase, änne halwe Riewe,

Hat Winklersch Baule eingesetzt,

Un Bäzolds Ottcher bracht‘ voll Liewe

Noch änne Brille an zuletzt.

Nee hamm mir da gefeixt im Busche!

De ganze Glasse brilltes raus:

„Där Schneemann sieht ja um de Gusche

Genau wie unser Lährer aus!!“